【育兒】其實媽媽都只係凡人，一樣會有脾氣…

做媽媽真係好矛盾，每次比孖B激到身心疲憊而失控，狂鬧狂惡佢哋，結果嬲完啖氣落咗，又或者嚇到佢哋2隻狂喊，都會好後悔。

睇到佢哋喊到變咸旦超人，點會唔心痛呀！小朋友又唔會好似大人咁記仇，佢哋只會記住媽媽係佢哋嘅最愛(而家仲係...)，有時仲會調返轉哄你安撫你，你話有乜辦法唔投降…

▲  今日曳嘢，倒晒成支爽身粉落地下，仲要同我比YEAH。

其實媽媽都只係凡人，一樣會有脾氣…

▲  每一日都會打完仗咁。

而家當自己感覺就嚟失控嘅時候，先深呼吸，又或者離開一下，將自己嘅情緒整理好，因為只有靜落嚟先會見到同聽到小朋友嘅需要。

▲  偶然唔記得上衣櫃個安全鎖，就會變成咁。

港媽自問EQ唔高，好彩有神隊友會自動幫手，每當就嚟爆嘅時候，比空間我去調整。

▲  奶粉層層叠。

記得間中要同老公大人請做假，2、3個鐘都好，去邊都得，好好享受一個人嘅寧靜，雖然你都係唔會放心比老公大人湊B，試吓放手，等佢都可以同小朋友建立良好關係。

▲  家有神隊友，適當時候會放我出去抖吓氣。